ការបណ្តុះបណ្តាលវិជ្ជាជីវៈកម្រិត បរិញ្ញាបត្រ |
|
300-350 USD |
500-700 USD |
800-1500 USD |
|
ឧស្សាហកម្មព៌ត័មានវិទ្យា
|
សាកលវិទ្យាល័យភូមិន្ទភ្នំពេញ (RUPP)
|
តើនឹងមានអ្វីកើតឡើងប្រសិនរាល់ឯកសាររបស់ក្រុមហ៊ុននៅលើប្រព័ន្ធអ៊ីនធើណិតបានបាត់បង់?ការធ្វើឲ្យបណ្តាញនៅតាមស្ថាប័នមានសុវត្ថិភាពកាត់បន្ថយកំហុសដែលកើតឡើងនិងជួយទប់ស្កាត់ការវាយប្រហារនិងការគំរាមតាមប្រព័ន្ធអ៊ីនធើណិត។ ពិភពលោកចាប់ផ្តើមធ្វើសកម្មភាពតាមប្រព័ន្ធអ៊ីនធើណិតច្រើនឡើងៗ ហើយក្រុមហ៊ុនត្រូវតែការពារប្រព័ន្ធអ៊ីនធើណិតរបស់ខ្លួន។
វិស្វករបណ្តាញមើលការខុសត្រូវលើហេដ្ឋារចនាសម្ព័ន្ធបណ្តាញរបស់ក្រុមហ៊ុនឬស្ថាប័នមួយដែលជួយឲ្យបុគ្គលិក ភ្ញៀវ និងអតិថិជនទំនាក់ទំនងគ្នា ទាំងក្នុង និងក្រៅដោយ ស្រួល។ ពួកគេអនុវត្តដោយផ្ទាល់គាំទ្រ ថែទាំការពារ និងបង្កើតប្រព័ន្ធបណ្តាញ របស់ក្រុមហ៊ុន រួមមានបណ្តាញ ទូរគមនាគមន៍ និងប្រព័ន្ធសុវត្ថិភាពបណ្តាញរបស់កុំព្យូទ័រ។ វិស្វករបណ្តាញគឺជាផ្នែកនៃក្រុមព័ត៌មានវិទ្យាដែលបម្រើការងារជាមួយក្រុមហ៊ុនឬមិនចំណុះឲ្យក្រុមហ៊ុនបណ្តាញព័ត៌មានវិទ្យាណាមួយ។ ជាផ្នែកនៃក្រុម ព័ត៌មានវិទ្យា វិស្វករបណ្តាញក៏ជួយដល់បុគ្គលិកដែលមានបញ្ហាបណ្តាញ និងធ្វើឲ្យប្រាកដថា ពួកគេបន្តការងារប្រកបដោយប្រសិទ្ធភាព។ ពួកគេបង្កើតគោលការណ៍ណែនាំប្រព័ន្ធបណ្តាញ និងពង្រឹងការប្រើប្រាស់ដ៏ត្រឹមត្រូវ។ ពួកគេរចនា និងរៀបចំ ប្រព័ន្ធបណ្តាញ បន្តឃ្លាំមើលការប្រព្រឹត្តិទៅរបស់បណ្តាញ និងធ្វើការជុសជុល ដើម្បីបង្ការមិនឲ្យមានបញ្ហាណាមួយកើតឡើង។
DID YOU KNOW?
- In many ways, Network Engineer jobs are the top of the IT profession.
Content only available in English at this time.
ក្រុមហ៊ុន TOTAL Cambodge
ចំណាប់អារម្មណ៍របស់ខ្ញុំលើកុំព្យូទ័រ និងព័ត៌មានវិទ្យាកើតមានតាំងពីនៅសិក្សាវិទ្យាល័យ ហើយខ្ញុំដឹងខ្លួនឯងថា កំពុងរំកឹលបន្តិចម្តងៗឆ្ពោះទៅរកអាជីពនេះ។ ខ្ញុំចាប់ផ្តើមធ្វើជាគ្រូបង្រៀនភាសាអង់គ្លេស បន្ទាប់ពីទទួលបរិញ្ញាបត្រផ្នែកភាសាអង់គ្លេសនៅវិទ្យាស្ថានភាសាបរទេស។ ខណៈពេលកំពុងបង្រៀន ខ្ញុំក៏ធ្វើការងារក្រៅម៉ោងនៅនាយកដ្ឋានព័ត៌មានវិទ្យារបស់វិទ្យាស្ថាននេះផងដែរ។ ទីបំផុត ខ្ញុំបន្ត ការសិក្សាយកថ្នាក់អនុបណ្ឌិតផ្នែកវិទ្យាសាស្ត្រកុំព្យូទ័រពីសកលវិទ្យាល័យភូមិន្ទភ្នំពេញ។
ឥឡូវនេះ ខ្ញុំបានប្រឡូកក្នុងវិស័យព័ត៌មានវិទ្យារយៈពេលប្រាំពីរឆ្នាំហើយ ហើយក្នុងនោះរយៈពេលពីរឆ្នាំ ខ្ញុំធ្វើការងារនៅក្រុមហ៊ុន Total Cambodge។ ខ្ញុំចាប់ផ្តើមអាជីពព័ត៌មានវិទ្យារបស់ខ្ញុំ ដោយបំពេញតួនាទីជាអ្នកបច្ចេកទេសព័ត៌មាន ក្រោយមកបានឆ្លងកាត់តួនាទីជាបន្តបន្ទាប់រហូតក្លាយជាវិស្វករព័ត៌មានវិទ្យា ផ្តល់ជំនួយផ្នែកព័ត៌មានវិទ្យា ប្រធានក្រុមព័ត៌មានវិទ្យាហើយទីបំផុតក្លាយជានាយកគ្រប់គ្រងព័ត៌មានវិទ្យា ជាតួនាទីមួយដែលខ្ញុំធ្លាប់កាន់នៅក្រុមហ៊ុន First Finance Cambodia មុនប្តូរទៅធ្វើការឲ្យក្រុមហ៊ុន Total Cambodge ។
ការងារប្រចាំថ្ងៃរបស់ខ្ញុំពាក់ព័ន្ធនឹងការត្រួតពិនិត្យមណ្ឌលទិន្នន័យ សើររើ និងបំពេញការងារជួសជុល ដូច្នេះយើងអាចចៀសផុតពីបញ្ហាដែលនឹកស្មានមិនដល់ណាមួយ។ ខ្ញុំត្រូវធានាឲ្យមានការប្រតិបត្តិ និងសន្តិសុខប្រសើរបំផុតនៃហេដ្ឋារចនាសម្ព័ន្ធបណ្តាញរបស់យើង ដែលមានសារៈសំខាន់ចំពោះដំណើរការទាំងស្រុងរបស់ក្រុមហ៊ុន។
ក្នុងនាមជានាយកគ្រប់គ្រងព័ត៌មានវិទ្យា អ្វីដែលខ្ញុំពេញចិត្តបំផុតគឺថា ខ្ញុំមានការទទួលខុសត្រូវច្បាស់លាស់នៅក្នុងក្រុមហ៊ុនចម្រុះជាតិសាសន៍នេះ។ ផ្នែកព័ត៌មានវិទ្យាជួយក្រុមហ៊ុនឲ្យដំណើរការអាជីវកម្មមានភាពរលូនដូចជាការបោះពុម្ពវិក្កយបត្រនិងបញ្ចូនអ៊ីម៉េល ហើយទាំងអស់នេះសុទ្ធតែត្រូវការការគាំទ្រផ្នែកព័ត៌មានវិទ្យា។ ក្រៅពីនេះ ព័ត៌មានវិទ្យាគឺជាមូលដ្ឋានគ្រឹះ សម្រាប់ក្រុមហ៊ុនក្នុងការទំនាក់ទំនងព័ត៌មានទូទាំងពិភពលោកតាមវិធីសាស្ត្រប្រកបដោយសុវត្ថិភាព និងសន្តិសុខ។ ដោយមានការិយាល័យប្រចាំតំបន់ស្ថិតនៅប្រទេសសិង្ហបុរីហើយការិយាល័យកណ្តាលស្ថិតនៅទីក្រុងប៉ារីសនោះ ខ្ញុំមានឱកាសធ្វើដំណើរ ធ្វើការងារជាមួយមនុស្សមកពីបណ្តាប្រទេសផ្សេងៗ និងពង្រឹងសមត្ថភាពខ្លួនឯងតាមរយៈការរីកចម្រើនការងារក្នុងក្រុមហ៊ុននេះ។ក្រៅពីនេះ ក្រុមហ៊ុន Total Cambodge មានសិក្ខាសាលាស្តីពីព័ត៌មានវិទ្យាដែលប្រមូលផ្តុំផ្នែកព័ត៌មានវិទ្យាមកពីតំបន់អាស៊ីដែលនាំមកនូវការចែករំលែកទស្សនៈទៅវិញទៅមក។
ផ្តើមចេញពីបទពិសោធនេះ អ្នកដែលចង់ប្រឡូកក្នុងវិស័យព័ត៌មានវិទ្យាចាំបាច់ត្រូវដឹងពីច្រកផ្សេងៗដែលពួកគេអាចជ្រើសរើសបាន។ វិស័យព័ត៌មានវិទ្យាគឺទូលំទូលាយណាស់មានដូចជាការសរសេរកម្មវិធី ការអនុវត្ត ហេដ្ឋារចនាសម្ព័ន្ធបណ្តាញជាដើម។ វាពិបាកនឹងក្លាយជាអ្នកឯកទេស គ្រប់ចំណុចណាស់ ហើយដូច្នេះយល់ល្អនិស្សិតម្នាក់ៗត្រូវតែមានគោលដៅនិងទិសដៅជាក់លាក់។ ប្រសិនបើអ្នកមិនចូលចិត្តព័ត៌មានវិទ្យា កុំចាប់យកអាជីពនេះឲ្យសោះ។ ការគ្រប់គ្រងពេលវេលា និងចេះបទបែនគឺជារឿងសំខាន់ ពីព្រោះក្រុមហ៊ុនអាស្រ័យលើការងាររបស់ អ្នកដើម្បីដំណើរការទៅមុខដោយរលូន។ ខ្ញុំសូមបញ្ជាក់បន្ថែមថា ទំនាក់ទំនងគឺជាលក្ខណៈសំខាន់សម្រាប់អ្នកដែលចង់ប្រឡូកក្នុងវិស័យព័ត៌មានវិទ្យា ពីព្រោះវាសំខាន់ណាស់ដែលអាចទំនាក់ទំនងជាមួយអ្នកដែលគ្មានចំណេះដឹងផ្នែកព័ត៌មានវិទ្យា៕