យន្តការី

តើអ្នកមានដែលសុបិនចង់ឃើញរថយន្តអាចបើកបរដោយខ្លួនឯងបានដែរទេ? ដោយមានជំនួយពីយន្តការី មធ្យោបាយដឹកជញ្ជូនជាច្រើនអាចត្រូវបានជួសជុល និងកែលម្អ មានន័យថា គេអាចប្រើប្រាស់វាបានយូរ និងរឹតតែមានប្រសិទ្ធភាព។ ប្រសិនបើគ្មាននរណាម្នាក់ចេះពីរបៀបជួសជុលរថយន្តទេ គេនឹងបោះរថយន្តទាំងនោះចោលភ្លាមនៅពេលវាលែងដំណើរការ ដែលធ្វើឲ្យខាតបង់ធនធានដ៏មានតម្លៃ។

យន្តការីគឺជាអ្នកត្រួតពិនិត្យយានយន្ត និងផ្តល់ការថែទាំទាំង កម្រិតធម្មតានិងខ្ពស់។ យន្តការីឯកទេសលើម៉ូតូ រថយន្ត រថយន្តក្រុង គ្រឿងយន្តតាមកសិដ្ឋាន។ ពួកគេជួសជុល និងថែទាំផ្នែកខាងក្រៅ គ្រឿងម៉ាស៊ីន ប្រអប់លេខ ប្រាំង ប្រព័ន្ធបញ្ចុះកម្តៅនិងថែទាំ ប្រព័ន្ធបញ្ជារួមទាំងប្រព័ន្ធភ្លើង និងការងារផ្សេងៗទៀត។ យន្តការីក៏ធ្វើការថែទាំបង្ការជាមុន ដើម្បីធានាដល់សុវត្ថិភាពរបស់អ្នកបើកបរមុនពេលបញ្ហាណាមួយកើតឡើង។

DID YOU KNOW?

• The title of “Mechanic” can apply to almost anyone involved with the monitoring, installation, maintenance and repair of mechanical devices.
• As vehicle technology improves, new tools must be purchased to attend to these vehicles.

Content only available in English at this time.

លោក ហុង វុទ្ធី
អ្នក​មើល​ការខុស​ត្រូវ​រោងជាង
ក្រុម​ហ៊ុន​ TATA International Cambodia

មានកិច្ចការជាច្រើននៅរោងជាង ហើយវាតែងតែខុសគ្នាពីមួយថ្ងៃទៅមួយថ្ងៃ។ នេះគឺជាអ្វីដែលខ្ញុំពេញចិត្តបំផុត នៅក្នុងការងាររបស់ខ្ញុំ ។

ជាង​ពីរឆ្នាំ​កន្លងទៅ ខ្ញុំបាន​បម្រើ​ការងារនៅ​ក្រុមហ៊ុន TATA International Cambodia ដែល​ផ្គត់ផ្គង់​ត្រាក់​ទ័រ​នៅលើ​ទីផ្សារ​។ បច្ចុប្បន្ន ខ្ញុំ​គឺជា​អ្នក​មើល​ការខុស​ត្រូវ​នៅ​រោង​ជាង​។ មុន​កាន់តួនាទី​នេះ ខ្ញុំគឺ​ជា​ជាងម៉ាស៊ីនធម្ម​តាម្នាក់ ដែល​ជួសជុល​និង​ថែទាំង​រថយន្ត​ត្រាក់ទ័រ អេស្កា​វ៉ាទ័រ​និង​គ្រឿងយន្តធន់ធ្ងន់​ផ្សេងៗទៀត។

ការប្តូរការងារ​មក​ធ្វើ​ការនៅ​ក្រុមហ៊ុន TATA International មាន​ន័យ​ខ្លាំង​ណាស់​សម្រាប់​ខ្ញុំ។ ក្រៅពីទទួលបាន​អត្ថប្រយោជន៍ការងារពី​ក្រុម​ហ៊ុន​ពហុជាតិ ខ្ញុំក៏មាន​គំនិត​ចង់​ផ្តល់​ឲ្យ​ប្រទេស​កម្ពុជានូវអ្វីដែល​ចាំបាច់​ដូចជា​គ្រឿងយន្ត​សម្រាប់​វិស័យ​កសិកម្ម​ជា​ដើម​។ សំ​ខាន់​បំផុត​ ប្រទេសកម្ពុជា​គឺជា​ប្រទេសកសិកម្ម​។

ខ្ញុំ​មើល​ការខុសត្រូវ​រោងជាងត្រាក់ទ័រ ជា​កន្លែង​ធ្វើ​ការជួសជុល​ត្រាក់ទ័រ​។ តួនាទី​ចម្បងរបស់ខ្ញុំនៅ​ពេល​នេះ គឺថែទាំ​​ត្រាក់ទ័រ​ថ្មី​និង​ការប្រគល់​ជូន​ មាន​ន័យ​ថា ធ្វើ​ការ​​ត្រួត​ពិនិត្យ​មុន​ពេល​ប្រគល់ជូន​អតិថិជន។ មាន​កិច្ច​ការជា​ច្រើន​នៅ​រោងជាង​ ហើយ​វាតែ​ង​តែ​ខុសគ្នា​ពីមួយថ្ងៃទៅមួយថ្ងៃ។ នេះគឺជា​អ្វីដែល​ខ្ញុំ​ពេញ​ចិត្ត​បំផុត​នៅក្នុង​ការងារ​របស់​ខ្ញុំ។​ ការ​ធ្វើឲ្យ​ប្រាកដថា អតិថិជន​ទទួល​បាន​គ្រឿងយន្ត​ស្របទៅតាម​ស្តង់ដារ​ដែល​ចង់បាន​និង​ទាន់​ពេល​វេលានោះ គឺជា​បញ្ហា​ដែល​ខ្ញុំ​ពេញ​ចិត្តប្រឈម​មុខ​ដោះស្រាយ​រៀងរាល់​ថ្ងៃ​។

ដើម្បីពង្រឹងជំនាញរបស់ខ្ញុំ ខ្ញុំ​ទទួល​យក​ការបណ្តុះបណ្តាល​នៅ​រោង​ចក្រ​ត្រាក់​ទ័រ​នៅ​ប្រទេស​ឥណ្ឌា​កាល​ពីឆ្នាំ​មុន។ ការធ្វើ​បែបនេះធ្វើ​ឲ្យ​ខ្ញុំ​អាច​បង្កើន​ចំណេះ​ដឹង​អំពី​ត្រាក់​ទ័រ​​ហើយ​ពេល​ត្រឡប់​មក​វិញ ខ្ញុំ​អាច​ចែក​រំលែក​ចំណេះ​ដឹង​នេះ​ជាមួយ​ក្រុម​ការងារ​របស់ខ្ញុំ ដើម្បី​ធ្វើ​ឲ្យ​ប្រា​កដថា យើង​ទាំងអស់គ្នា​មានចំណេះដឹងប្រហាក់ប្រហែល​គ្នា​ ហើយ​អាច​ផ្តល់​​សេវាប្រសើរ​បំផុត​តាមដែល​អា​ចធ្វើ​ទៅ​បាន​។ ខ្ញុំជឿថា​ តាមរយៈ​ការពង្រឹងសមត្ថភាព​នៅ​កន្លែង​ធ្វើ​ការ​ងារ​​ ខ្ញុំ​អាចបោះជំហានទៅមុខទៀត​ជាមួយ​នឹង​អាជីព​ការងាររបស់ខ្ញុំ​ជា​មួយ​​​ក្រុមហ៊ុន​នេះ​។

សេដ្ឋកិច្ច​កម្ពុជា​កំពុង​រីកចម្រើនហើយ​យើង​អាច​មើល​ឃើញថា សព្វថ្ងៃ​នេះ ក្រុម​ហ៊ុន​​​រថ​យន្ត​និង​ក្រុមហ៊ុន​ត្រាក់ទ័រ​ជាច្រើន​កំពុងចូល​មក​​។ តម្រូវ​ការជាងម៉ាស៊ីន​និង​អ្នក​បច្ចេក​​​ទេស​ដែលមានសមត្ថភាព​នឹងបន្ត​កើន​ឡើង​ហើយ​ឱកាសសម្រាប់​ពួកគេ​ដើម្បី​ពង្រីក​​​ខ្លួន​និង​ចាប់ផ្តើម​បង្កើត​រោង​ជាងផ្ទាល់ខ្លួនក៏ដូចគ្នាដែរ។ យោបល់​របស់ខ្ញុំ​ចំពោះ​អ្នក​ដែល​ចង់​​ក្លាយ​ជា​ជាងម៉ាស៊ីន​គឺ ត្រូវ​ឆ្ល​ង​កាត់​ការ​បណ្តុះបណ្តាល​បច្ចេកទេសត្រូវ​ចងចាំ​​ទ្រឹស្តី ​ ទទួល​បទពិសោធន៍និង​ជំនាញ​​ដោយផ្ទាល់ ជម្នះ​បញ្ហា​ប្រឈម​ច្រើន​តាម​ដែល​អាច​ធ្វើទៅ​បាន​​និង​ពង្រឹងជំនាញ​ភាសាអង់គ្លេស​របស់អ្នក​។