អ្នកគីមីវិទ្យា

តើអ្នក​មាន​ចាប់អារម្មណ៍​លើឥទ្ធិល​ពល​នៃ​សារធាតុ​គីមីផ្សេងៗទេ? តើ​អ្នក​មាន​ឆ្ងល់​ថា នឹង​មាន​អ្វីកើត​ឡើង​​ ប្រសិន​បើ​អ្នក​ផ្សំសារធាតុគីមីពីរ បី ឬបួន​ចូលគ្នា? ក្រៅពីការបង្កើត​ថាម​ពល​​ប្រសើរជា​ងមុន​​រហូតដល់ថ្នាំ​សង្គ្រោះជីវិតមនុស្ស​ យើង​អាច​ប្រើ​សារធាតុគីមី ដើម្បី​ជួយ​ធ្វើ​ឲ្យ​ពិភពលោក​នេះកាន់តែ​ប្រសើរ​ផងដែរ។

អ្នកគីមីវិទ្យា (ឱសថការី) ស្វែងរក​វិធី​ដើម្បី​កែលម្អ​ជីវភាពរស់នៅរបស់ប្រជាពល​រដ្ឋដោ​យ​​ធ្វើ​ការសិក្សាលើ​សារធាតុ​គីមី​។ ពួកគេប្រើ​ប្រាស់ចំណេះ​ដឹង​ផ្នែក​សារធាតុគីមី​​ដើម្បី​បង្កើត​ផលិត​ផល​ថ្មី ដូចជា​ថ្នាំពេទ្យ​ គ្រឿងសម្អាង និង​ប្រព័ន្ធ​សរីរាង្គ​សិប្បនិម្មិត​ថ្មី​​។ អ្នកគីមីវិទ្យា​ក៏​មាន​តួនាទីសំខាន់​នៅក្នុង​ឧស្សាហកម្មថាមពល​ផងដែរ​ ដោយ​ធ្វើ​ការងារ​លើ​ដំណើរ​ការ​សំយោ​គ​សារធាតុគីមីពីប្រេង ដើម្បី​ទទួល​បាន​ថាមពល​ប្រសើរ​បំផុត​សម្រាប់​ការ​​​ប្រើ​ប្រាស់និង​កាត់​បន្ថយ​ជាតិ​ពុល​។ ស្របពេលជាមួយគ្នានោះដែរ អ្នកគីមីវិទ្យា​មាន​តួនាទី​សំខាន់​ក្នុងការបង្កើត​ថ្នាំថ្មី ដោយត្រួតពិនិត្យ​មើល​ដំណើរ​អភិវឌ្ឍ​ និង​ការកំណត់​ពីគុណភាព​និង​ស្ថេរភាព​​របស់​ថ្នាំ​ទាំ​ង​នេះ។ អ្នកគីមីវិទ្យា​ក៏អាចធ្វើការងារ​នៅ​តាមឱសថស្ថាន​ ​ទី​ដែល​ពួក​​​​គេ​ផ្តោតការយក​ចិត្តទុក​ដាក់លើ​ការដាក់ថ្នាំនិងការប្រើ​ថ្នាំ​ប្រកប​ដោយ​ប្រសិទ្ធភាពនិង​សុវត្ថិភាព​ផងដែរ​៕

DID YOU KNOW?

• In the 1800s, Coca-Cola was a cough syrup created by a pharmacist.
• Last year, the pharmaceutical industry grossed $85 billion around the world.
• The earliest recordings of pharmaceutical documentation date back 3,500 years and were found in Egypt. The records had information on 800 prescriptions mentioning 700 medications.

Content only available in English at this time.

ចាន់ បូរ៉ា
ឱសថការី
មន្ទីរពេទ្យ​បង្អែក​ខេត្តប៉ៃលិន

ខ្ញុំត្រូវធ្វើឲ្យប្រាកដថាអ្នកជំងឺទទួលបានថ្នាំត្រឹមត្រូវតាមវេជ្ជបញ្ជា និងប្រើប្រាស់ថ្នាំឲ្យបានត្រឹមត្រូវ។

ខ្ញុំ​បាន​បញ្ចប់​ការសិក្សាផ្នែក​ឱសថ​កាលពីឆ្នាំ​២០១១ ហើយ​បាន​បម្រើការងារជា​ឱសថការីនៅ​មន្ទីរ​ពេទ្យ​បង្អែក​ខេត្តប៉ៃលិន ចាប់តាំងពី​ឆ្នាំ​២០១២។ ដោយ​សារតែ​នេះជា​មន្ទីរពេទ្យ​រដ្ឋ ដូច្នេះខ្ញុំ​ត្រូវ​ឆ្លង​កាត់​ការ​ប្រឡង​ដែល​រៀបចំដោយ​ក្រសួង​សុខាភិបាល។

មុន​ចាប់ផ្តើម​ការងារនេះ ខ្ញុំធ្លាប់​បម្រើ​ការងារជា​តំណាង​វេជ្ជសាស្ត្រនិង​ជា​មន្ត្រី​ទទួល​បន្ទុក​ផ្នែក​ត្រួត​ពិនិត្យ​នៅ​ក្រុមហ៊ុន Medicom ជា​ក្រុមហ៊ុន​ផ្គត់ផ្គង់​សម្ភារ និង​ផលិត​ផល​ឱសថ។ ការចង់ចេះចង់​ដឹង​ផ្ទាល់ខ្លួន​អំពីរបៀបដែល​រដ្ឋាភិ​បាល​ដំណើរ​ការមន្ទីរពេទ្យ​បាន​ជំរុញទឹកចិត្តខ្ញុំ​ឲ្យ​ប្តូរទិសដៅ​ហើយ​ចូល​រួម​កម្មវិធី​ប្រឡងរបស់ក្រសួង។​

ការទទួលខុសត្រូវរបស់ខ្ញុំសព្វថ្ងៃនេះគឺ​ត្រូវ​បែងចែក​ថ្នាំ​ឲ្យ​អ្នកជំងឺ​ និង​គិលានុបដ្ឋាក​ រៀបចំ​របា​យ​​​ការណ៍​ គណនា​បរិមាណថ្នាំ​ដែលបើក​ចេញរៀងរាល់ថ្ងៃ គ្រប់គ្រងថ្នាំប្រចាំថ្ងៃ​ និ​ង​ធ្វើ​សំណើរ​ថ្នាំ​បន្ថែម​រៀងរាល់​បីខែ​ម្តង។ ការងាររបស់ខ្ញុំផ្តល់​ឱកាសឲ្យ​ខ្ញុំបានប្រើ​ប្រាស់ចំណេះដឹង​ គឺ​អ្វីដែល​ខ្ញុំ​បាន​សិក្សា​នៅ​សាកលវិទ្យាល័យ ហើយ​ដែល​ជាផ្នែក​សំខាន់​បំផុត​នៃការងារនេះ។​

ដូចជា​ការងារ​ផ្សេងៗទៀត​ដែរ ការងារប្រភេទនេះមា​នបញ្ហា​ប្រឈម​។ ខ្ញុំត្រូវ​ធ្វើ​ឲ្យ​ប្រាកដ​ថា អ្នក​ជំងឺ​ទទួល​បាន​ថ្នាំត្រឹមត្រូវ​ តាមវេជ្ជបញ្ជា និង​ប្រើប្រាស់​ថ្នាំឲ្យ​បាន​ត្រឹមត្រូវ។ ជា​រឿយៗ ការទំនាក់​ទំ​នង​អាចមាន​ការលំបាក​ ដោយសារតែយើង​មិន​អាចធានា​ថា អ្នកជំងឺ​នឹងយល់ព្រម​ធ្វើ​តាម​ការណែនាំ​របស់​យើង។

បម្រើការងារជា​ឱសថការី​គឺ​ធ្វើឲ្យ​អ្នក​មាន​អារម្មណ៍រីករាយដែលការងារនេះភាគច្រើនដូចជា​ការ​ងាររបស់វេជ្ជបណ្ឌិត​និង​គិលានុបដ្ឋាក​ដែរ។ខ្ញុំមាន​ឱកាស​ជួយ​ធ្វើ​ឲ្យ​សុខភាព​របស់​​អ្នក​ដទៃ​ប្រ​សើរ​ឡើង​។ ខ្ញុំសូម​ណែនាំ​ការងារ​នេះ​សម្រាប់​អ្នក​ដែល​ចាប់អារម្មណ៍​ចង់​ដឹង​ថា​ ថ្នាំ​ដំណើរ​ការ​យ៉ាងម៉េ​ច។ ការងារជា​ឱសថការី​ក៏​ទាមទារឲ្យ​មានការទទួល​ខុសត្រូវ​ទាំងស្រុង មាន​ជំនាញគ្រប់គ្រង​រឹងមាំ​ និង​ការ​យក​ចិត្តទុកដាក់ ខ្ពស់ក្នុង​ការផ្តល់​ព័ត៌មាន​អំពី​ឱសថ៕