អនុបណ្ឌិត |
|
500 USD |
800-1000 USD |
1200-2000 USD |
|
ភ្នាក់ងារអភិវឌ្ឍន៍
|
សាកលវិទ្យាល័យវិទ្យាសាស្រ្តសុខាភិបាល(UHS)
|
បទដ្ឋានសុវត្ថិភាព និងគំនិតផ្តួចផ្តើមស្តីពីសុខភាព អាចធ្វើឲ្យសុខភាពប្រចាំថ្ងៃរបស់បុគ្គល និង គ្រួសារនីមួយៗនៅតាមសហគមន៍ប្រសើរឡើង។ ទោះបីជាយ៉ាងពួកគេត្រូវតែតាមឃ្លាំមើល និងវាយតម្លៃឡើងវិញជាប្រចាំ ហើយត្រូវតែធ្វើការកែលម្អ ដើម្បីធ្វើឲ្យប្រាកដថា បទដ្ឋាននិងគំនិតផ្តួចផ្តើមទាំងនោះនៅតែមានប្រសិទ្ធភាពនិងសមស្របចំពោះការចំណាយ។ គំនិតផ្តួចផ្តើមស្តីពីសុខភាពដ៏រឹងមាំអាចជួយសង្គ្រោះជីវិតមនុស្ស កាត់បន្ថយជំងឺ និងកែប្រែគុណភាពជីវិតរបស់មនុស្សជាច្រើន។
អ្នកវិភាគ ឬអ្នកឯកទេសសុខភាពសាធារណៈជួយ បុគ្គលម្នាក់ៗ គ្រួសារ និងសហគមន៍ឲ្យយល់និងគ្រប់គ្រង បញ្ហា ពាក់ព័ន្ធនឹងសុខភាព។ ពួកគេធ្វើការវាយតម្លៃពីកម្មវិធីសុខភាព និងគោលនយោបាយ ព្រមទាំងប្រមូល និងវិភាគទិន្នន័យ ក្នុងការជួយស្វែងរកទិសដៅសកម្មភាពដ៏ប្រសើរបំផុត ដើម្បីរក្សាកម្មវិធីសុខភាពដ៏រឹងមាំនេះ។ អ្នកវិភាគ ឬអ្នកឯកទេសនឹងធ្វើការវាយតម្លៃលើផលប៉ះពាល់ដែលកើតចេញពី បញ្ហាបរិស្ថានមកលើសុខភាពសាធារណៈ និងជួយផ្សព្វផ្សាយអំពីបទដ្ឋានសុវត្ថិភាពសុខភាពដែលបានប្រកាន់យកនេះ។
DID YOU KNOW?
- One of the key accomplishments of worldwide public health programmes is
immunisations, and the eradication of diseases like polio.
Content only available in English at this time.
អ្នកឯកទេសសុខភាពសាធារណៈ
មន្ទីរពេទ្យកាល់ម៉ែត
ខ្ញុំគឺជាវេជ្ជបណ្ឌិតឯកទេសផ្នែករោគសាស្ត្រ (ធ្វើរោគវិនិច្ឆ័យរកជំងឺមហារីកនិងបង្ការ) នៅមន្ទីរពេទ្យកាល់ម៉ែត។ ខ្ញុំធ្វើជាប្រធានផ្នែក រោគសាស្ត្ររយៈពេលបួនឆ្នាំ។ ពីមុន ខ្ញុំធ្លាប់ទទួលបានការបណ្តុះបណ្តាលឯកទេស និងស្រាវជ្រាវថ្នាក់ PhD ផ្នែករោគសាស្ត្រ និង រោគ វិនិច្ឆ័យជំងឺមហារីកអស់រយៈពេលបួនឆ្នាំនៅប្រទេសបែលហ្ស៊ិក។
វិទ្យាសាស្ត្រគឺជាមុខវិជ្ជាដែលខ្ញុំចូលចិត្តនៅសាលា។ ដោយសារស្គាល់ពីបុគ្គលិកលក្ខណៈ ចំណេះដឹង និងចំណាប់អារម្មណ៍របស់ខ្ញុំលើផ្នែកវិទ្យាសាស្ត្រគ្រូបង្រៀនជីវវិទ្យារបស់ខ្ញុំបានជំរុញឲ្យខ្ញុំចូលសិក្សានៅសាលាវេជ្ជសាស្ត្របន្ទាប់ពីខ្ញុំបញ្ចប់ការសិក្សានៅវិទ្យាល័យ។ អំឡុងការសិក្សា និងការបណ្តុះបណ្តាលផ្នែកវេជ្ជសាស្ត្រ ខ្ញុំដឹងថា ករណីជំងឺមហារីក និងអត្រាមរណភាពបន្តកើតឡើងទូទាំងពិភពលោក ជាពិសេសនៅក្នុងបណ្តាប្រទេសកំពុងអភិវឌ្ឍដូចជាប្រទេសកម្ពុជាជាដើម។ ខ្ញុំបានធ្វើការស្ទង់មតិកម្រិតតូចមួយលើធនធានមនុស្សដែលមានស្រាប់នៅក្នុងផ្នែកនេះ ហើយរកឃើញថា នៅមានតម្រូវការអ្នកឯកទេសផ្នែកនេះជាច្រើនអ្នកទៀត។ នេះគឺជារឿងរ៉ាវនៃការចាប់ផ្តើមអាជីពរបស់ខ្ញុំ។
ខ្ញុំចូលចិត្តគ្រប់ផ្នែកនៃការងាររបស់ខ្ញុំ មានចាប់ពីការងារនៅមន្ទីរ-ពិសោធន៍បច្ចេកទេសរហូតដល់ការបង្រៀនក្រុមនិស្សិតជំនាន់ក្រោយ។ ខ្ញុំចូលចិត្តគាំទ្រឲ្យមានការពង្រឹងបន្ថែមនូវវិធានការទប់ស្កាត់ និងការព្យាបាលជំងឺមហារីកនៅប្រទេសកម្ពុជា។
ការងារនេះក៏មានបញ្ហាប្រឈមផងដែរ។ ទីមួយប្រជាពលរដ្ឋកម្ពុជាផ្តល់តម្លៃឲ្យសេវាសុខភាពនៅបរទេសជាងសេវាសុខភាពនៅក្នុងស្រុក។ វាពិបាកនឹងផ្លាស់ប្តូរទស្សនៈរបស់ពួកគាត់ ប៉ុន្តែយ៉ាងហោចណាស់ ខ្ញុំអាចចូលរួមចំណែកក្នុងការធ្វើឲ្យប្រសើរឡើងនូវវិធានការបង្ការជំងឺមហារីកនិងសេវាកម្មគាំពារសុខភាពនៅក្នុងមន្ទីរពេទ្យរបស់ខ្ញុំ និងនៅក្នុងប្រទេសរបស់ខ្ញុំផងដែរ។ ទីពីរ និស្សិតពេទ្យច្រើនតែចាប់អារម្មណ៍លើជំនាញផ្សេង ដែលមានអ្នកឯកទេសរាប់ពាន់នាក់ទៅហើយនោះ ដោយមើលរំលងពីសារៈសំខាន់នៃជំនាញធ្វើរោគវិនិច្ឆ័យជំងឺមហារីក។ ខ្លះទៀតប្រហែលជាមិនចាប់អារម្មណ៍នឹងការធ្វើរោគ វិនិច្ឆ័យជំងឺមហារីកទេ ពីព្រោះពួកគេត្រូវធ្វើការងារដោយមិនទាក់ទងផ្ទាល់ជាមួយអ្នកជំងឺ ដោយគ្រាន់តែជួយវេជ្ជបណ្ឌិតធ្វើរោគវិនិច្ឆ័យ និងគ្រប់គ្រងអ្នកជំងឺតែប៉ុណ្ណោះ។
ខ្ញុំចង់បង្កើតអង្គភាពជាតិបង្ការជំងឺមហារីកនៅមជ្ឍមណ្ឌលជាតិជំងឺមហារីកនៅត្រឹមឆ្នាំ២០១៧ ។ ខ្ញុំក៏ចង់ដឹកនាំក្រុមការងារបង្ការជំងឺមហារីកនៅក្រសួងសុខាភិបាល ឆ្ពោះទៅរកការអនុវត្តប្រកបដោយប្រសិទ្ធភាពនូវយុទ្ធសាស្ត្រជាតិប្រឆាំងនឹងជំងឺមហារីក។
ប្រទេសកម្ពុជានៅខ្វះអ្នកឯកទេស ជាពិសេសផ្នែកជំងឺមហារីក។ នៅមានកិច្ចការច្រើនទៀតដែលត្រូវធ្វើ និងតម្រូវការច្រើននូវធនធាន មនុស្សដែលមានសមត្ថភាពគ្រប់គ្រាន់។ ដោយសារតែហេតុផលនេះ ខ្ញុំសូមណែនាំអាជីពការងារនេះ។ យោបល់របស់ខ្ញុំចំពោះអ្នកដែលចង់ចាប់យកអាជីពនេះគឺត្រូវមានលក្ខណៈសម្បត្តិគ្រប់គ្រាន់ និងការបណ្តុះបណ្តាលបច្ចេកទេស មានការប្តេជ្ញាចិត្តខ្ពស់ក្នុងការធ្វើឲ្យប្រព័ន្ធគាំពារសុខភាពប្រសើរឡើង ជាពិសេសវិធានការគ្រប់គ្រង និងបង្ការជំងឺមហារីក និងត្រូវតែជាអ្នកមានទំនាក់ទំនងដ៏ប៉ិនប្រសប់៕