ការបណ្តុះបណ្តាលវិជ្ជាជីវៈកម្រិត បរិញ្ញាបត្រ |
|
250 USD |
350-450 USD |
600 USD |
|
ឧស្សាហកម្មសំណង់
|
វិទ្យាស្ថានបច្ចេកវិទ្យាកម្ពុជា(ITC) |
តើ អ្នក មាន បំណង ចង់កែលម្អជីវភាព រស់ នៅ របស់ ប្រជា ពល រដ្ឋនៅ តាម ជនបទ ដែរ ឬ ទេ ?តើ អ្នក ធ្វើយ៉ាងណាទើប ធានា ថា ពួកគេរក្សាបាន នូវ បរិស្ថាន ស្អាត និង សុវត្ថិភាព? ជា លទ្ធ ផល វាកាត់ បន្ថយ អត្រាឆ្លងជំងឺ ឬ ប្រើ ប្រាស់ ទឹក និងចំណី អាហារ មិនស្អាត។
អនាម័យមាន តួនាទីសំខាន់ ណាស់ក្នុងប្រទេសកំពុងអភិវឌ្ឍ ដែល មនុស្ស ជា ច្រើន រង ផល ប៉ះពាល់ ដោយ សារ ជំងឺ គ្រុនចាញ់ ជំងឺ សើរ ស្បែក ជំងឺ សួត និង ជំងឺរាករូស ហើយ ភាគ ច្រើន បំផុតនោះគឺតាម ភូមិនៅ តំបន់ ជនបទ ។ ដើម្បីជម្នះ នឹង បញ្ហា នេះ រដ្ឋាភិ បា ល និង អង្គការ ក្រៅ រ ដ្ឋាភិបាល បាន ដំណើរ ការកម្ម វិធី អនាម័យ។ អ្នកឯកទេសអនាម័យទឹក ផ្តល់ ការគាំទ្រ ផ្នែក បច្ចេកទេស សម្រាប់ កម្មវិធីអនាម័យ ដូចជា រៀបចំ គម្រោង រចនា អនុវត្ត ការប្រតិបត្តិ ការវាយតម្លៃ និង ការ តាមដាន។ ពួកគេជួយសម្រួល ការពិ ភា ក្សា រវាងសហគមន៍ ក្នុងមូលដ្ឋាន ដើម្បី ឃោសនាពីយុទ្ធនាការ អនាម័យ។ ពួកគេត្រូវធ្វើ ឲ្យ ប្រា កដ ថា មនុស្សគ្រប់គ្នា យល់ដឹង ពី សារៈ សំខាន់ នៃការ ថែរក្សា អនាម័យនិង ហានិភ័យ ចំពោះ សុខ ភាព ដោយសារអនាម័យមិនស្អាត។
DID YOU KNOW?
- In developing countries, as much as 80% of illnesses are linked to poor water and sanitation conditions.
- In Cambodia, over 9 million people don’t have access to adequate sanitation and 4 million people don’t have access to safe water.
Content only available in English at this time.
មន្ត្រីគម្រោង
RainWater Cambodia
បច្ចុប្បន្ន ខ្ញុំកំពុងធ្វើការងារជាអ្នកជំនាញការងារផ្នែកអនាម័យទឹកនៅអង្គការ RainWater Cambodia (RWC) ហើយខ្ញុំបានកំពុងធ្វើការនៅទីនេះតាំងពីឆ្នាំ2014។ ខ្ញុំបានចូលរួមអនុវត្តគម្រោងអនាម័យជាច្រើននៅក្នុងខេត្តកំពង់ចាម និងខេត្តសៀមរាប។ កត្តាជំរុញទឹកចិត្តខ្ញុំគឺខ្ញុំមានក្តីស្រម៉ៃថា នឹងលើកកម្ពស់ជីវភាពរស់នៅរបស់ប្រជាជនខ្មែរនៅតំបន់ជនបទ។
ខ្ញុំបានបញ្ចប់ការសិក្សាផ្នែកសេដ្ឋកិច្ចកសិកម្ម និងអភិវឌ្ឍន៍ជនបទនៅសាកលវិទ្យាល័យភូមិន្ទកសិកម្ម។ អំឡុងពេលនោះ ខ្ញុំទទួលបានការលើកទឹកចិត្តពីនិស្សិតរៀមច្បងឲ្យដាក់ពាក្យធ្វើការជាអ្នកស្ម័គ្រចិត្តនៅអង្គការ RWC ដើម្បីទទួលបានបទពិសោធន៍ការងារ មុនពេលបញ្ចប់ការសិក្សា។ ខ្ញុំបានចំណាយពេលប្រាំមួយខែសម្រាប់ធ្វើការជាមន្ត្រីគម្រោងស្ម័គ្រចិត្ត ប៉ុន្តែគណៈគ្រប់គ្រងអង្កការបានធ្វើការកត់សម្គាល់ចំពោះខ្ញុំ ហើយក៏ បានផ្តល់ដំណែងជាមន្ត្រីគម្រោងដល់ខ្ញុំសម្រាប់ខេត្តកំពង់ចាម។ជាមន្ត្រីគម្រោង ខ្ញុំទទួលខុសត្រូវលើការដាក់ផែនការជូនអ្នកគ្រប់គ្រងគម្រោងពិនិត្យ និងធ្វើឲ្យប្រាកដថា កិច្ចការទាំងអស់ត្រូវបានបំពេញត្រឹមត្រូវតាមពេលវេលាកំណត់។ ខ្ញុំរៀបចំរបាយការណ៍លម្អិតអំពីការចុះមូលដ្ឋាន និងដាក់ជូនគណៈគ្រប់គ្រងពិនិត្យ។ ហើយខ្ញុំក៏បំពេញតួនាទីជាអ្នកសម្របសម្រួលជាមួយមន្ត្រីឃុំ និងភូមិ ដើម្បីធានាថា សកម្មភាពអភិវឌ្ឍន៍របស់យើងមិនប៉ះពាល់ដល់ការងារប្រចាំថ្ងៃរបស់ពួកគាត់ទេ ខណៈដែលយើងធ្វើការតាមគម្រោងពេលវេលារបស់យើង។
ការធ្វើការ និងការទំនាក់ទំនងដោយបើកចិត្តឲ្យទូលាយ ជាមួយប្រជាជនក្នុងសហគមន៍មូលដ្ឋានគឺជាបញ្ហាប្រឈមមួយ។ ទម្លាប់ និងវប្បធម៌របស់ប្រជាជនកម្ពុជា ជួនកាលបង្កការលំបាកក្នុងការជួយឲ្យពួកគាត់មានទស្សនយល់ឃើញថ្មីៗចំពោះបញ្ហាសំខាន់ៗ ដូចជា ទឹកមានសុវត្ថិភាព និងការបន្ទោរបង់ក្រៅបង្គន់ ជាដើម។ ការលប់បំបាត់ទម្លាប់ចាស់ ឬអាក្រក់អាចជាកិច្ចការដ៏លំបាក និងពិតជាក្លាយជាបញ្ហាប្រឈមសម្រាប់អង្គការក្រៅរដ្ឋាភិបាល។
ទោះបីជាមានបញ្ហាប្រឈមទាំងនេះក៏ដោយ ខ្ញុំនៅតែអាចប្រើចំណេះដឹង ជំនាញ និងបទពិសោធន៍របស់ខ្ញុំ ក្នុងការជួយគាំទ្រ និងលើកកម្ពស់ជីវភាពរបស់ប្រជាជនសហគមន៍កម្ពុជាបាន ជាហេតុនាំឲ្យខ្ញុំស្រឡាញ់ការងាររបស់ខ្ញុំកាន់តែខ្លាំងឡើង។ការងារនៅមូលដ្ឋានផ្តល់ឲ្យអ្នកនូវបទពិសោធន៍ផ្ទាល់ដ៏មានគុណតម្លៃ តាមរយៈការអនុញ្ញាតឲ្យអ្នកបំពេញតួនាទីក្នុងការបង្កើតឲ្យមានការផ្លាស់ប្តូរសម្រាប់ប្រទេសរបស់អ្នក។ ខ្ញុំជឿជាក់យ៉ាងមុតមាំថា នៅពេលធ្វើការដើម្បីជួយលើកកម្ពស់ជីវភាពរស់នៅរបស់ប្រជាជនសហគមន៍ អ្នកត្រូវការស្មារតីប្តេជ្ញាខ្ពស់ និងឆន្ទៈរឹងមាំ ទោះបីជាអ្នកត្រូវជួបប្រទះបញ្ហាប្រឈមទាំងនោះក៏ដោយ។